Өлкетану пәнінен "Жамбыл облысының флорасы мен фаунасы" тақырыбында ашық сабақ өтті.

2019 жылдың 22 ақпан күні «Мұражай сабақтары» бағдарламасы аясында Үштілде оқытатын МДБА мектептің 7 сынып оқушылары география пәнінің мұғалімі А.Н. Нурланмен бірге оқушылардың танымдық іс-әрекетін дамыту мақсатында Жамбыл облыстық тарихи-өлкетану мұражайына барды.

Мұғалім оқу материалының ерекшеліктерін және сыныптың дайындық деңгейін ескере отырып, сабақтың мақсатын дұрыс құрып, оқушыларға жеткізе білді.

Сабақ барысында А.Н. Нурлан ақпаратты өз бетінше іздеп, талдап және жалпылау, қорытынды жасай білді.

Мұғалім қолданған әдістер тиімді болды.

Мұражайға бару - әлемге жаңаша қараумен тең. Мұражайдағы экспонаттармен танысу - балаларды әсемдікке баулиды. Мұражайда болған оқушылар тек теледидар, компьютер, кітаппен ғана шектелмей, сондай-ақ, түрлі мүсіндерді, қызықты көрмелерді көруге болатынын білді. Мұражайға саяхат баланың бойындағы Отанға деген сүйіспеншілігін арттырады. Өлкетану мұражайына барған балалардың бойында туған өлкенің табиғи, мәдени құндылықтарына деген махаббат пен бауырмалдық, патриоттық сезімдері оянады.