МДБАМ директоры З.И.Дузенованың 2018 жылда атқарылған жұмысы бойынша қоғамдық тыңдау өткізді

2019 жылдың 4 ақпанында Үш тілде оқытатын мамандандырылған дарынды балаларға арналған мектеп директоры З.И.Дузенованың 2018 жылда атқарылған жұмысы бойынша мектеп қызметкерлері, Жамбыл облысы әкімдігі білім басқармасының өкілдері, қамқоршылық кеңес, ата-аналар комитеті мүшелерінің алдында қоғамдық тыңдау өткізілді. Мектеп директоры соңғы жылдар бойынша барлық бағытта жасалған іс-шаралардың орындалғанына назар аудартты. Бұған дәлел білім ордасындағы түлектердің 2018 жылдың Ұлттық бірыңғай тесттілеуден 112,6 орта балы, Жоғары оқу орындарына 100% түсуі, оның ішінде 57%-ы республикалық ЖОО грант иегері, 27% шетел ЖОО грант иегері, 21 оқушы Халықаралық, республикалық ғылыми жобалар және пән олипиада жеңімпаздарының Жамбыл облысы әкімімен кездесуі. Сонымен қатар, қоғамдық тыңдауда оқушылардың үйірмелері мен жеке тұлға бағытталған компонентттердің, кафедралар жұмысының көрмесі ұйымдастырылды. Әсіресе, роботтехника, ұлттық қолданбалы өнер, «Палитра», «Сделай сам» үйірмелерінің жұмыстары қонақтарды қатты қызықтырды. Алдағы уақытта осы мектептің оқушылары облыстың қоржынына жеңістерін екі еселейтініне үмітіміз зор.